Sri Gnana Saraswati Devi Peetam

నేడు అమ్మవారు సాకారముగా అనుగ్రహించిన స్థలము ,ఒకప్పుడు అరణ్యముగా మునుల,సిద్ధుల తపస్సులచే అలరారిన తపోభూమి. ఆవిధంగా వారి తపస్సులచే అలరరిన ఈ ప్రదేశం కాలాంతరములో వేదపాఠశాలగా అనేక మంది విద్యార్థులకు వేదవిద్యను అందించిన వేదభూమి. (ఆదిశంకరుల శృంగేరి ఆమ్నాయ పీఠాధిపతి 9వ జగద్గురువులు శ్రీ శ్రీ శ్రీ విద్యారణ్యస్వామి వారి జన్మ స్థలము మరియు వేదాభ్యాస స్థలము ఈ ప్రదేశమే కావడం స్మరణీయము) ఆ క్రమములో నిత్య వేదపారాయణాది , క్రతువులతొ మరియు అగ్ని కార్యములతో అలరారిన ఈ స్థలాన్ని "వేదప్రియా" "వేదగమ్యా" అయిన ఆ సరస్వతీ దేవి అవ్యక్త రూపిణిగా సాక్షాత్కరించి అనుగ్రహించినది.
( అవ్యక్తరుపము : సామాన్య నేత్ర దృష్టికి కాక ,ఉపాసనా శక్తి గల జ్ఞాన దృష్టి కి మాత్రమే కనబడు రూపము ..
"అనంతమామృతం పరం జ్ఞానేనైకేన తల్లభ్యం క్లేశేనపరమమ్ పదం !
జ్ఞానమేవ ప్రవిష్యంతే మామేవ ప్రవిష్యంతితే !! ( కూర్మ పురాణం) "
నా అమృత పరమైన అనంత రూపము మిక్కిలి ప్రయత్నముతో , కేవలం జ్ఞానముతో మాత్రమే పొన్దదగినది . జ్ఞానదృష్టి కలవారు మాత్రమే నన్ను ప్రవేశింతురు.)
కాలప్రవహములొ ఈ స్థలములు ఆక్రమణలకు మరియు నిరాదరణకు గురై వాటి అస్థిత్వాన్నికోల్పోయినవి .
ఆ తదుపరి మన గురువుగారు ,శ్రీ.విద్యోపాసకులు , వేదాంత శిరోమణి బ్రహ్మశ్రీ శ్రీ శ్రీ
శ్రీ ఉమాశంకర సరస్వతీ(పండిత్) స్వామి వారికి వారి శిష్యులు ఈ ప్రదేశాన్ని మరియు అందులో గృహాన్ని నిర్మించి గురుదక్షిణగా సమర్పించిన తరువాత , వారి నిత్య దేవి ఆరాధనలో అలౌకికానందఅనుభూతి కలుగుతుండటంచే వారు ఈ ప్రదేశములో కొంత కాలము దీక్షాబద్దులై తపస్సు చేయడంతో ఆ తల్లి దర్శనమిచ్చి , ఆశీర్వదించి అనుగ్రహించడంచేత ఈ పీఠము ఏర్పడినది.
నేటికి ఆ తల్లి యొక్క సామీప్యతానుభూతి ఈ పీఠములో కొద్దిపాటి ధ్యానముతో ఉపాసకులు పొందవచ్చును.
ఈ విధముగా ఇంతింతై వటుడిన్తై అన్నట్లుగా ,ఆ తల్లిని దర్శించి ఆ తల్లి అనుగ్రహముతో సకల శుభములను పొందే భక్తుల సంఖ్య దినదినము అభివృద్ధి చెందుతున్నది.