ધ કરમસદ અર્બન કો. ઓપ. બેંક લી. (હાલ ફડચ માં)ને છેલ્લા ૬માસ થી આ બેંક ને એક વાચા આપવા અને આ બેંક ને એક ક્રેડિટ સોસાયટી દ્વારા એક નવો પ્રાણ પુરવાના પ્રયાસો શ્રીમાન દિનેશભાઈ આશાભાઈ પટેલ અને શ્રીમાન અશ્વિનભાઈ નટુભાઈ પટેલ દ્વારા કરે છે અને આ માટે તેઓએ ફડચા અધિકારી ને સમયાનુસાર મળી જરૂરી બાહેધરીઓ આપીને આ પ્રયાસ આગળ વધાર્યો છે. આ વધતાં પ્રયાસ ના એક ભાગરૂપે સભાસદો / ગામના આગેવાન મિત્રો સાથે તા. ૨૪/૧૧/૨૦૧૩ ના રોજ એક મીટીંગ શ્રીમાન દિનેશભાઈ આશાભાઈ પટેલના કરમસદમા આવેલ નિવાસસ્થાને સવારે ૧૦.૦૦ કલાકે યોજવામાં આવેલ જેમાં ૩૦ જેટલા સભાસદો / ગામના આગેવાન મિત્રો જોડાયા હતાં. જે દ્વારા નક્કી કરવામાં આવ્યું કે આ બેંક જો ફરી થી શરૂ થઈ શકે એમ હોય તો આ બેંક ને સભાસદો / ગામના આગેવાનો ના એક સંગઠન દ્વારા પુન: શરૂ કરવા માટે જરૂરી કાર્યવાહી કરવા માં આવે અને આ સંગઠન ને સર્વાનુમતે કરમસદ નાગરિક સમિતિ નામ આપવામાં આવ્યું.