Kanyam" The Real Paradise Of Eastern Nepal.

भुइँ कुहिरोले छपक्कै छोपेका बेला होस्
वा मौसम खुलेको बेला, पूर्वको पर्यटकीयस्थल कन्याम
पुग्नेहरू प्रकृतिको मनोहर वातावरणसँगै हराउ छन् । र
नागबेली मेचीमार्गबीच हराभरा चियाबारीले भरिएको कन्याम
पूर्वकै प्रख्यात गन्तव्य हो । तराईबाट गर्मी छल्न
पुग्नेदेखि वनभोजमा रमाउने र
पहाडी जीवनशैली तथा प्राकृतिक सौन्दर्यमा रमाउन
कन्याम पुग्नेहरूको लर्कोनै लाग्छ ।
'लोपोन्मुख लेप्चा जाति र हरिया डाँडाकाँडा खिचेर
पर्यटन प्रवर्द्धन गर्ने सोचले कन्याम रोजाइ भएको हो,'
। पूर्वी तराईका जिल्लासँगै नेपालका विभिन्न भूभाग
अनि भारत र पश्चिमा मुलुकबाट
पनि कन्यामको रमाइलोमा रमाउनेहरू आइपुग्छन् । २०२८
सालमा चिया खेती सुरु भएपछि कन्यामका डाँडाकाँडाले
पर्यटक लोभ्याउन थालेको हो । यो क्षेत्र आसपास
अल्पसंख्यक लेप्चा जातिको ऐतिहासिक स्थल, विभिन्न
जातिको परम्परागत रहनसहन, कृषिबाट
सुधारिएको जीवनशैली पर्यटकका लागि नयाँ लाग्छन् ।
सूर्योदय र सूर्यास्त दृश्यावलोकन पनि कन्यामबाट गर्न
सकिन्छ । झापा नजिक भएको र
यातायातको सहजताका कारण पनि कन्याममा दैनिक
आन्तरिक र बाह्य पर्यटक भेटिन्छन् । यहाँको रमणीय
दृश्यमा चलचित्र र गीतको सुटिङ गर्न पनि निर्माता-
निर्देशक लोभिने गरेका छन् ।
वनभोजको सिजनमा दैनिक पाँच हजारसम्म पर्यटक आउने
गरेको स्थानीय बताउँछन् । कन्यामलाई पूर्वकै प्रमुख
गन्तव्य बनाउन स्थानीय बासिन्दा सक्रिय छन् ।
'पूर्वाधार विकाससँगै प्रचारप्रसार र स्थानीयलाई
पर्यटनमैत्री बनाउन पटकपटक महोत्सव सञ्चालन
गर्नुका साथै विभिन्न कार्यक्रम सञ्चालन गर्ने गरेका छौं,'
। झापाको चारआलीदेखि ३३ किलोमिटर
उत्तरमा रहेको कन्याम पुग्ने पर्यटक नजिकैको फिक्कल,
पशुपतिनगर, करफोकलगायत स्थानसम्म पनि पुग्ने
गरेका छन् ।
कन्याम र आसपास क्षेत्रमा घुम्न
जानेहरूको चहलपहलका बेला फिक्कल र पशुपतिनगर
बजारका होटल-लज भरिभराउ हुने गरेका छन् ।