Gauradaha Municipality गौरादह नगरपालिका

गौरादह नगरपालिकामा (जनसङ्ख्या १७ हजार नौ सय ६६ र आन्तरिक आय २४ लाख ७१ हजार ६ सय ३५ रुपयाँ), माहारानीझोडा (जनसङ्ख्या १४ हजार नौ सय ७७ र आन्तरिक आय १० लाख १० हजार ८ सय ९२ रुपयाँ), जुरोपानी (जनसङ्ख्या १४ हजार नौ सय ९९ र आन्तरिक आय १० लाख १३ हजार १ सय ६८ रुपयाँ), कोहबरा (जनसङ्ख्या १३ हजार पाँच सय ७५ र आन्तरिक आय १७ लाख ७५ हजार ५ सय १९ रुपयाँ) सहित चार गाविस मिलाएर गौरादह नगरपालिकाका लागि प्रस्ताब गरिएको थियो ।
गौरादहमा १, २, ३ र ४, माहारानीझोडामा ५, ६ र ७, कोहबरामा ८, ९ र १०, जुरोपानीमा ११, १२ र १३ नं. वडा रहने गरि गौरादह नगरपालिका बनेको छ ।
नव घोषित गौरादह नगरपालिकाको १ नं. (१ र २) को केन्द्र सीतापुरी, २ नं.(३ र ९) को गौरादह, ३ नं. (६, ७ र ८) को हिमाल चोक, ४ नं. (४ र ५) को धोबिनिया, ५ नं. (१, ८ र ९) को मिलन चोक, ६ नं.(२, ३ र ४) को स्कुलचौन बजार, ७ नं. (५, ६ र ७) चिउरा मिल, ८ नं. (१ र २) को चप्रामारी, ९ नं.(३, ४ र ५) को कोहबरा गाविस, १० नं. (६, ७, ८ र ९) को दामुना बजार, ११ नं. (७ र ८) को तामाङ चोक, १२ नं. (४, ५ र ६) को ग्वाल्डुवा बजार र १३ नंं. (१, २, ३ र ९) को जुरोपानी चोक केन्द्र रहने गरी गौरादह नगरपालिका घोषण भएको छ ।
गौरादह नगरपालिकाको एक सय २३ दशमलव २३ वर्ग कि.मी. क्षेत्रफल, जनघनत्व पाँच सय ५४ दशमलव २२ प्रति वर्ग कि.मि. र ६१ हजार पाँच सय १७ जनसंख्या रहेको छ । गौरादह नगरपालिका झापा जिल्लाको आठौँ नगरपालिका बनेको छ । अब झापामा ३३ गाविस र ८ नगरपालिका भएका छन् ।