തൃപ്പനയം ദേവീക്ഷേത്രം

12 കരകളുടെ നാഥയായി കുടികൊള്ളുന്ന അമ്മയുടെ തിരുനാൾ ഉത്സവം മീനമാസത്തിലെ ഭരണി നാളിലാണ് ആഘോഷിക്കുന്നത്. ജാതി-മതഭേദമന്യേ എല്ലാ ഭക്തജനങ്ങളും അമ്മയുടെ സന്നിധിയിൽ എത്തിച്ചേരുന്നു. എല്ലാ വർഷവും മണ്ഡലമാസം ദേവീസന്നിധിയിൽ തോറ്റൻപാട്ട് മഹോത്സവം നടത്തിവരുന്നു. മണ്ഡലമാസത്തിലെ അവസാനദിവസം വടക്കേനടയിലൂടെ(വർഷത്തിലൊരിക്കൽ) അമ്മ ഭക്തർക്ക് ദർശനം നൽകുന്നു. അന്നേദിവസം വൈകുന്നേരം ഗുരുതിയ്ക്കുശേഷം നട അടച്ച് രണ്ടാം നാൾ കിഴക്കേനടയിലൂടെ ദേവീദർശനം പ്രാപ്തമാകുന്നു.