دربارِ عالیہ ساداتِ بخاریہ، اندرلہ کٹہڑا - کوٹلی آزاد کشمیر

خطۂ کشمیر کو جہاں اس کے دیدہ زیب نظاروں کی وجہ سے جنت نظیر کہا جاتا ہے وہیں اس پر موجود کثیر تعداد میں اولیاء اللہ کی وجہ سے اسے اولیاءکی سرزمین بھی کہا جاتا ہے۔ انہیں اولیاء اکرام میں سے بخاری سادات کی عظیم بزرگ ہستی میراں سید گلاب شاہ بادشاہ رحمۃ اللہ علیہ ہیں جن کا مزار اندرلہ کٹہڑا ضلع کوٹلی میں مرجعِ خلائق ہے۔ آپ کا خاندان طویل عرصے سے اس علاقے میں آباد ھے اور اس خطے میں روحانی فیضان کا ذریعہ ہے۔ کئی خاندان آپ کے ذریعے حلقہ بگوشِ اسلام ہوئے۔ گردونواح میں آپ کے مریدوں کی ایک بڑی تعداد موجود ھے۔ اللہ تعالیٰ آپ کے اس فیضان کو تاقیامت جاری و ساری رکھے۔