Alkund

Mere Gaon Ki Sadak Par..
Mein Chalta Chalaa Jaa Raha Hooo…
Jindgi Ke Beete Lamho Ko Jaise..
Phir Se Dauhra Raha Hoon…

Kuch Kadmo Ke Faaslon Pe..
Ek Bachha Khelta Nazaar Aaya Hai..
Maine Jab Poocha Kon Ho Tum..?
Usne!! Mera Hi Naam Batayaa Hai…

Us Peepal Pe Zhule Aaj bhi Zhule Jaate Hai..
Nadi Ke Us Kinaare Kapde.. Aaj bhi Dhoye Jaate Hai..
Waqt Kehta Hai.. Mein Tere Liye Theh-raa Hoon..
Mere Gaon Ki Sadak Par..
Mein Chalta Chalaa Jaa Raha Hooon…

Woh Dhooli Hawaayein..
Mujhe Aaj Bhi Yaaad Dilaayein
Mera Ghar Se Door Jaana…
Maa Ko Sataanaa…
Dosto Ko Bulaanaa…
Woh Behnaa Ka Gale Lagaana…
Woh Raaton Ko Chaubaare Mein Batiyaana..
Har Apna Kehta Me Ab Bhi Yaha Hoon..
Tera Intazaar Kar Raha Hoon..
Mere Gaon Ki Sadak Par..
Mein Chalta Chalaa Jaa Raha Hooon…

Woh Ghar Ke Darwaaze
Woh Khuli Khidkiyo Ka Khadakna ..
Woh Sawaan Ka Aana..
Woh Badraa Ka Chaana.
Woh Boondon Ki Taal Par..
Mor Ka Nachnaa..
Woh Saundhi Sundhi Subah Ke Sang..
Koyal Kaa Gaanaa..
Sab Jaise Theh-ra Ho..
Mujhe Kuch Keh Raha Ho…
Jaise Mujhe Bulaa Raha Ho..
Woh Ghar Yaad Dila Raha Ho..
Har Dastoor Har Zanzeer Todta Chala Jaa raha Hoon..
Mere Gaon Ki Sadak Par..
Mein Chalta Chalaa Jaa Raha Hooon…

Mein Chalta Chalaa Jaa Raha Hooon…
Bas Mein Aa Raha Hoon…
Mein Chalta Chalaa Jaa Raha Hooon…
Woh Ghar Ke Darwaaze
Woh Khuli Khidkiyo Ka Khadakna ..
Woh Sawaan Ka Aana..
Woh Badraa Ka Chaana.
Woh Boondon Ki Taal Par..
Mor Ka Nachnaa..
Woh Saundhi Sundhi Subah Ke Sang..
Koyal Kaa Gaanaa..
Sab Jaise Theh-ra Ho..
Mujhe Kuch Keh Raha Ho…
Jaise Mujhe Bulaa Raha Ho..
Woh Ghar Yaad Dila Raha Ho..
Har Dastoor Har Zanzeer Todta Chala Jaa raha Hoon..
Mere Gaon Ki Sadak Par..
Mein Chalta Chalaa Jaa Raha Hooon…